Гэй, палеская моладзь! Збірайся ў канцы лета на радзіму Васіля Быкава

 17 июля в 16:24
 2356

14-19 жніўня ў вёсцы Бычкі (Ушацкі р-н, Віцебшчына) — на радзіме выбітнага беларускага пісьменніка Васіля Быкава — пройдзе моладзевы летнік “Брэнд беларускай культуры”. На самабытную імпрэзу запрашаецца моладзь з усяе краіны ад 18 да 30 гадоў.

Усе, хто прыедзе на летнік, зможа сумясціць адпачынак, нефармальнае навучанне на свежым паветры і працу па ўладкаванні тэрыторыі каля дома-музея пісьменніка. Кожнага чакае насычаная цікавая праграма ды атмасфера.

У межах творчай праграмы запланаваны:

  • сустрэчы і лекцыі з беларускімі творцамі, грамадскімі і культурнымі дзеячамі;
  • упарадкаванне школы Васіля Быкава і прыбіранне тэрыторыі;
  • удзел у распрацоўцы канцэпцыі, ініцыятываў і праектаў па распаўсюджанні беларускай культуры;
  • цудоўная магчымасць адпачыць, завесці новыя знаёмствы, атрымаць асалоду ад мясцовай прыродай і культуры малой радзімы Быкава.

Умовы

Арганізатары культурнага летніка забяспечваюць праезд і харчаванне ўдзельнікаў. Пражываць ўсе яны будуць у палатках на тэрыторыі сядзібы.

Удзельнікам трэба даслаць анкету да 5 жніўня.

Дадатковыя пытанні можна задаць праз мэйл: BelovABelyj@gmail.com.

Интересная новость? Поделись с друзьями!

PINSK.EU, новости Пинска

comments powered by Disqus